Wala kaabot sa ilang destinasyon ang mga buhing baboy human na sakmit sa mga sakop sa Regional Maritime Unit (RMU)-7 ug Carmen Police Station, CPPO nga gisulay pagpalusot.
Nahitabo kini kagahapon sa kadalawon, Nobyimbre 5, 2024, didto sa kabaybayunan sa Cogon East, Carmen, Cebu.
Nikabat sa 27 ka mga walay dokyumentong baboy nga gikan sa Brgy. Esperanza, San Francisco, Camotes, Sugbo ang ilang nasakmit.
Nasikop usab ang mga sakay sa bangka nga maoy nagdala sa mga baboy tungod sa kalapasan sa E.O. 16, Series of 2024 Pagtukod sa “Anti Smuggling Inter-Agency Task Force” sa Probinsya sa Sugbo.
Ang nasangpit nga mga baboy gi-turnover sa Carmen Municipal Agriculture Office/Veterinary alang sa tukmang disposasyon, samtang ang mga tripulante ug ang motorized banca gipa ubos sa kustodiya sa kapulisan sa Cebu City MARPSTA alang sa tukmang disposasyon.
Source: Regional Maritime Unit 7
I via Renante Lada and Ting Joe Pepito
RPN DYKC CEBU
675 KHZ AM BAND