Tres casa el ya man uput y otro uno el parcialmente ya destrosa na un incidente de incendio na ciudad de Zamboanga, asegun con el Zamboanga City Fire District (ZCFD) del Miercoles.
Asegun con Superintendent Christopher Morales, el marshal del ZCFD, el incendio ya ocuri mga alas 5:41 del Martes tarde na Paseo de Locson 2, Barangay Mampang, ciudad de Zamboanga.
Asegun con Morales, el incendio ya principia na uno del mga afectao casa y enseguidas ya man calayat para na sercanos casa.
Si Morales ya habla, el mga bombero ya puede constrola con el incendio, que ya alcansa na segundo alarma, mga alas 6:10 del noche.
Si Morales ya habla, con el incendio completamente ya apaga mga alas 7:39 del noche y nohay quien ya iri o sinti duela durante el incidente.
Asegun con Morales, tiene el total P375,000 el valor del propiedad el ya destrosa durante el incendio.
Asegun con Morales, ta continua pa el investigacion para determina cosa el causa del incendio. (B. Garcia)