Balhog sa prisuhan ang duha ka 19-anyos nga lalaki nga nasikop sa kapulisan human malambigit sa pagpanghilabot sa duha ka pasahero nga manag-uyab nga misakay lamang unta og e-bike sa Urgello St., Brgy. Sambag 1, pasado ala 1:00 sa kadlawon, Lunes, Disyembre 8, 2025.
Ang biktima, usa ka estudyante nga si alias “Krissy,” ug ang iyang uyab nga si “John,” pulos 19-anyos, nagtuo nga normal lang ang ilang pagsakay sa e-bike. Apan sa pagkahuman, gihadlok sila ug giingnan nga pasakitan samtang gikuhaan sa ilang mga cellphone ug kuwarta.
Gituohan sa kapulisan nga dili lang duha ang responsable sa krimen. Ang e-bike driver nga giila lang nga “Jap-Jap” sa Sitio Bato, Ermita, gipasanginlang maoy nagsabot sa duha ka tulisan aron matarget ang manag-uyab. Siya nakapalayo sa hot pursuit operation.
Nasikop ang mga suspetsado nga sila Christian Manilag ug Mengen Ricaborda, mga residente sa Suba ug Ermita, ug karon nag-atubang og kaso nga robbery with threats and intimidation.
Sa narekober nga butang, nabawi ang Samsung A12, apan wala na marekober ang iPhone 12 sa dalaga ug Vivo Y100 sa laki. Nagpadayong gilutos sa kapulisan ang e-bike driver aron makompleto ang kaso.
Source: CCPO
I via Renante Socia Lada