Pulos nakabsan sa kinabuhi ang duha ka mga trabahanti sa sa cement factory atol sa ilang pagpanglimyp sa cement mill.
Nahitabo kini pasado alas 8:00 sa buntag, Nobiyembre 18, 2024, didto sa Lungsod sa San Fernando, Sugbo.
Ang mga biktima giila sa San Fernando Police Station na mao sila si Chaulin Sabayton, 45-anyos, ug Joenil Baruedan, 46-anyos, pulos sila nagpuyo sa mao ra nga lungsod.
Sa imbestigasyon sa kapulisan nasayran nga ang mga biktima nagpahigayon og cement cleaning sa cement mill gamit ang vacuum aron limpyuhan ang spillage sa dust collector, apan ang foreman ug kaubang trabahante nisulod sa dust collector aron unta kini i-vacuum kini na didto nahitabo ang aksidenti nga nahugno ang mga materyalis.
Dali silang gidala sa Carcar District Hospital apan pulos nabugtuan sa kinabuhi ang mga biktima.
Ang kapulisan nagpadayon sa ilang imbestigasyon aron pagsuta kung aduna bay anagyan manubag sa maong panghitabo, samtang nagsinggit karon og panabang ug hustisya ang mga kabananay sa mga biktima ngadto sa kompanya nga gialagaran.
I via Renante Socia Lada