Sikop sa mga kapolisan ang usa ka 35-anyos, lalaki nga si Alyas Larry, lumulupyo sa Barangay Poblacion, Sindangan ZN tungod sa pagbaligya ug mga smuggled nga sigarilyo atol sa operasyon sa mga kapolisan didto sa Barangay Goleo, Sindangan, Zamboanga del norte sa miaging adlaw.
Nakuha sa posisyon sa maong suspetsado ang 18 ka reams sa smuggled nga sigarilyo nga adunay 11 ka reams sa YS brand ug 7 ka reams sa President brand nga mobalor sa 20,628.00 sigun sa standard price sa Bureau of Customs.
Ang maong operasyon gipasiugdahan sa mga personahe sa Sindangan Municipal Police Station hinungdan nga nasikop ang maong suspek.
Kahibaloan ang dinakpang suspetsado ang anaa na karon sa Sindangan MPS, nagpaabot alang na sa tukmang kaso nga ipasaka batok kaniya.(Angelica T. Obina)