Puros naanoy sa pusas ang duha ka mga pulis sa ila mismong mga kauban human nasakpan nga nagduwa sa lawasnong kalipay.
Didto kini nasikop sa usa ka Lodging House, nahimutang sa Barangay Poblacion, Lungsod sa Talibon, Probinsya sa Bohol, Pasado 1:00 kagahapon sa hapon, Marso 28,2023.
Ang suspetsado nga babaye usa ka Patrolwoman, nagpanuigon og 28, taga Talibon Bohol, na destino sa RPHAO sa PRO-7.
Samtang ang lalaki nga suspetsado nagranggo og Corporal, 38 anyos ang pangidaron, residenti sa Dakbayan sa Mandaue, kauban ra usab sa suspetsado nga babaye.
Sa imbestigasyon nga gihimo ni Police Staff Sergeant Rodel Garcia, sa Talibon Police Station nga nidangop sa ilang buhatan ang bana nga usa usab ka pulis gumikan kay iyang nasayran nga nisud sa lodging house sa laing lugar ang iyang asawa ug laing pulis.
Sa pagsusi na sa kapulisan na aktuhan kini nga puros mga hubo nga gikan nagtagay sa lawasnong kalipay.
Dugang sa kapulisan nga nihimo sa pagsusi ang bana gumikan kay nagduda na siya sa iyang asawa nga adunay gihimo nga milagro sa ilang kaminyuon.
Sa pagkakaron desidido ang bana nga mupasaka gyud og kasong adultery batok sa mga maluibon.
Photo Credit: Talibon PS
via Renante Lada