Gipasidunggan sa Probinsyal nga Pangagamhanan sa Sugbo ang duha ka centenarians nga nakaabot sa 100 anyos.
Mga representante sa Provincial Social Welfare and Development Office (PSWDO), uban ang staff ni Board Member Stanley Caminero ug Board Member Raymond Calderon, miadto sa mga lungsod sa Oslob ug Argao aron personal nga ihatag ang sertipiko ug tag-₱100,000 nga tseke ngadto sa duha ka gipasidunggan: si Cecilia Mirasol Yrauda Doroon sa Brgy. Alo, Oslob, ug si Silveria Davis sa Brgy. Canbanua, Argao.
Nahimo ang seremonya niadtong Biyernes, Septyembre 5, 2025, uban ang suporta sa Municipal Social Welfare and Development Offices (MSWDOs), Office of Senior Citizens Affairs, ug mga presidente sa lokal nga senior citizens’ chapters.
Si Doroon natawo niadtong Hunyo 14, 1925. Aduna siyay pito ka anak ug kapin sa 50 ka mga apo. Ang iyang tinago sa taas nga kinabuhi mao ang pagkaon og isda, utan, gatas, ug oatmeal.
Samtang si Davis, nga natawo niadtong Hunyo 20, 1925, nagpuyo kauban sa iyang igsoon. Gituohan niya nga ang pagkaon og himsog ug organic nga pagkaon uban sa adlaw-adlaw nga pag-ampo mao’y nakapahata-as sa iyang kinabuhi.
Source: Cebu Provincial Capitol
I via Renante Socia Lada