Pinaagi sa operasyon sa City Intelligence Unit (CIU) sa Cebu City Police Office (CCPO), uban sa tabang sa Philippine Drug Enforcement Agency (PDEA), nadakpan ang duha ka High-Value Individuals (HVI) atol sa buy-bust operation sa gabii sa Hulyo 11, 2026 sa Barangay Basak San Nicolas, Cebu City.
Nasakmit sa mga operatiba ang gibanabana nga 400 gramos nga gidudahang shabu nga adunay kantidad nga ₱2.72 milyon sumala sa Standard Drug Price.
Ang duha ka suspetsado anaa na karon sa kustodiya sa Cebu City Detention Facility, samtang giandam na ang kasong ilahang atubangon tungod sa paglapas sa Sections 5 ug 11, Article II sa Republic Act 9165 o Comprehensive Dangerous Drugs Act of 2002.
Matud pa sa CCPO ubos sa pagpangulo ni PCOL Ricky C. Sumalde, magpadayon ang ilang kampanya batok sa ilegal nga drogas pinaagi sa mas lig-on nga intelligence operations ug pakigtambayayong sa ubang ahensya aron masiguro nga walay luna ang mga nagbaligya og ilegal nga drogas sa dakbayan sa Sugbo.
📸 CCPO
I via Renante Socia Lada