Nadakpan sa mga pulis sa Danao City ang usa ka 18 anyos nga lalaki human kini gireklamo nga nagdala og pusil ug nagsimhot og solvent sa Sitio Pulang Yuta, Barangay Looc, Danao City niadtong nakalabay nga gabii.
Sa dihang nadawat sa Danao City Police Station ang sumbong gikan sa usa ka residente, dali silang miadto sa lugar aron susihon ang nahitabo. Didto ilang nakita ang suspek nga nagkupot og pusil.
Sa pagkakita sa mga pulis, misulay og dagan ang suspek apan dali ra siyang naapsan ug nadakpan.
Nakuha sa mga pulis gikan sa suspek ang usa ka .38 caliber revolver nga adunay tulo ka buhing bala ug usa ka sudlanan nga adunay gituohang solvent. Gipasakaan na siya og kaso tungod sa ilegal nga pagpanag-iya og pusil.
Matod sa Cebu Police Provincial Office, magpadayon sila sa ilang kampanya batok sa ilegal nga armas ug gihangyo ang publiko nga magpadayon sa pagsumbong sa mga kadudagang kalihokan aron mapadayon ang kalinaw ug kaluwasan sa komunidad.
📸 CPPO
I via Renante Socia Lada