Nahimong madugu-on ang engkwentro tali sa kapulisan ug sa duha ka gituhuang tulisan human sila nisukol ug nangamatay.
Didto kini nahitabo sa Barangay Anislag, lungsod sa Corella, Bohol, kagabii Hunyo 1, 2024.
Nasayran usab nga usa ka pulis nga sakop sa Bohol Police Provincial Office (BPPO) ang samaran sa maong engkwentro.
Ang duha ka mga suspetsado giila nga sila si Ricky Gamo, taga Brgy. Tagbuane, lungsod sa Alburquerque, Bohol ug Jonas Amen, taga Ubujan District, siyudad sa Tagbilaran Bohol, ug pulos ang panuigon.
Sa imbestigasyon sa kapulisan nga ang duha ka mga gituhuang tulisan nga luwan sa motorsiklo, positibong gitudlo sa biktima sa pagpanulis didto sa lungsod sa Sikatuna.
Duha ka 45 caliber usab ang na recover sa kapulisan sa posisyon sa mga suspetsado.
Dugang pa nga ang maong mga gituhuang tulisan mao usab ang responsabli sa pagpanulis sa ubang dakbayan ug kalungsuran sa Bohol.
Sa pagkakaron gihimo pa ang dugang imbestigasyon sa maong engkwentro nga nikalas og duha ka kinabuhi ug niangol og usa ka pulis. (Renante Socia Lada)