Cebu City- Nakasakmit ug 18 ka kilo nga gidudahang shabu ang mga operatiba sa Special Operations Unit sa Police Drug Enforcement Group (PDEG) sa gipahigayong buy-bust operation sa Barangay Busay, Syudad saSugbo, Lunes sa hapon, Oktubre 3, 2022.
Gibana-banang mobalor kini ug P122.4 milyones; apan, nakasibat ang target sa ilang operation.
Matod sa mga operatiba nga na closed niini ang transaction tali sa suspect alang sa duha ka kilo nga shabu, pero naka matikod ang suspetsado nga poseur buyer ang iyang gikasabot hinungdan nga dali kining migawas sa sakyanan ug miikyas sakay sa motorcycle for hire.
Giingong mipadung ang gisakyang motor sa Barangay Lahug.
Dihang gisusi ang sakyanan dunay 16 ka dagkong putos nga gidudahang shabu ang nakit-an sa mga operatiba sud sa MaroonToyota Innova nga gisakyan sa suspetsado.
Ang mga nakonpiska nga drugas giingong gikan sa big-time drug lord nga sakop sa drug syndicate kinsa nag lihok sa Central Visayas.
Gipahigayon ang follow-up operation, lakip na ang pagsusi kung si kinsa ang tag-iya sa sakyanan nga gigamit sa suspetsado.
via Jhon Tadlip
Source/Photo: Police Drug Enforcement Group