Giandam na karon ang tulo ka kaso batok sa kapitan sa barko nga nag dala og 16 anyos nga dalagita sa usa ka hotel.
Ang suspetsado nga kapitan sa tug boat mao si Capt.Marcalito Miro Culanag, 54 anyos ang panuigon,biyudo, taga Brgy.Canlomacad, Lungsod sa Santander, Probinsya sa Sugbo.
Ang biktima nga gi daka sa hotel nagpanuigon og 16 anyos usa ka minor de edad.
Nasikop si Culanag niadtong niaging kadlawon pinaagi sa usa ka entrapment operation didto sa hotel nga nahimutang sa Mantawe Drive, Brgy.Subangdako, Dakbayan sa Mandaue.
Ang mga kaso nga ipasaka batok sa suspetsado mao ang kalapasan sa R.A 7610 kon Child Abuse,R.A 8353 kon Rape, ug Child Pornograpy.
Sa nasayran nga sa unang higayon nga nag chek-in sa usa ka hotel ang kapitan sa barko ug ang minor de edad niadtong Septembre 9,2022 gikuhaan kinig video og gikatag diha sa social media.
Matod pa nga adunay nahitabo nila atong higayuna diin buot untang sublion sa kapitan apan ang lola nagpatabang sa kapulisan sa Mandaue City Police Office, Station 2, na maoy hinungdan nga nihimo og entrapment ang Women’s and Children Protection Desk (WCPD).
Ilang nasikop ang suspetsado apan hugtanong nilimod si Culanag kay ila daw kining sinabutang ang maong lawasnong kalipay bugti sa 2500 mil pesos.
Photo Credit: MCPO
via Renante Lada