Dakkel ti posibilidad nga idiayan to metten ti Mariano Marcos State University ti kurso a dentistry kadagiti sumarsaruno nga school year.
Kuna ni dr Shirley Agrupis Presidente ti nasao nga unibersidad bga iti napalabas a dua a tawen ket rinugyan dan nga inadal ti pannakairugi ti college of dentistry iti mmsu ngem gapu ta awan pay ti available a clinical instructor isu a maitantatantan ti pannakairugi ti nasao a kurso.
Inlawlawag ni agrupis a ti kangrunaan a kualipikasyon dagiti sumrek a propesor iti mmsu ket rumbeng a masters degree ngem awan met pay makasango kadagiti dentista a mangala iti masteral da gapu ta makomikom da iti dental practice da.
Itay laeng kallabes kuna ni agrupis ket nakitaripnong dan iti philippine dental association tapno kiddawen dan ti tulong dagiti dentista tapno agbalin a propesor ti college of dentistry.
Saan met pay a masigurado no kaano ti rugi ti nadakamat a kurso.
Author: Rod Sadian
Source: PGIN-CMO