Nakabsan sa kinabuhi didto sa tambalanan ang usa ka lalaki na driver sa motor human napasok sa usa ka boom truck.
Nahitabo ang maong aksidenti kagahapon sa kadlawon, Pebrero 8, 2024, didto sa Cebu South Coastal Road (South bound) kilid sa Cebu South Medical Center, Barangay San Isidro, dakbayan sa Talisay.
Ang biktima mao si Michael Villaver Martinez, hingkod ang panuigon, taga Barangay Biasong, dakbayan sa Talisay.
Segon sa City of Talisay Traffic Operations and Development Authority (CT-TODA) na ang maong truck anaa sa outerlane human na aberiya, aduna kini karga na mga Concrete pre-fab boulders, nagbutang usab og warning device sa dan.
Posibling wala ka bantay ang biktima sa naka aberiya na truck na maoy hinungdan na napasok kini.
Padayon usab nanawagan ang taga CT-TODA sa mga motorista na kanunay mag amping sa pagmaniho ug batasanon ang pag mentenar sa gi kusgon sa pagpadagan bisan pa ug mingaw na ang dalan, dugang pa na likayan ang pagmaniho kung nagduka. (Renante Lada, photo courtesy of CT-TODA)