Nakalas ang usa ka lalaki nga drayber sa motorsiklo human mabangga sa gikasugat nga V-Hire. Didto kini sa National Highway, Brgy. Taptap, siyudad sa Sugbo, kagahapong adlawa, Marso 9, 2025.
Ang biktima giila sa kapulisan na mao si Emmanuel Go, 30- anyos ang panuigon, taga lungsod sa Balamban, Sugbo.
Makita sa video nga kuha sa nagsunod nga sakyanan nga pulos kusog nagpadagan ang
motorsiklo ug V-Hire.
Sa pagkakaron ang draber sa V-Hire gi kustodiya na sa kapulisan samtang gihimo pa ang dugang imbestigasyon kalabot sa maong insedente nga nikutlo og kinabuhi.
Kanunay giawhag ang mga drayber sa mga otoridad nga maghinay ug mag amping sa pagmaniho aron malayo sa disgrasya. (Renante Socia Lada)