Trahedya ang nahitabo niadtong gabii sa Pebrero 12, 2026 sa Barangay Lipata-Linao, Minglanilla, human nalatayan sa usa ka Flat Truck ang 26 anyos nga si Stouartson Cubar.
Ang biktima, ulitao ug criminology student, nagtrabaho isip tigbantay sa LTO Talisay ug nagpuyo sa Purok Pomelo, Sitio Sandayong, Barangay Lipata-Linao.
Sa imbestigasyon sa kapulisan, nagmaniho si Cubar sa iyang Honda Adv padulong sa iyang duty sa Talisay. Sa samang oras, paingon sa Talisay gikan sa Dumaguete si Pedro, 64 anyos, drayber sa Flat Truck ug residente sa Barangay Campo V, Talisay City. Sa pag-abot nila sa traffic light sa Lipata-Linao, nagkaigo ang duha ug nalatayan ang ulo sa biktima sa ligid sa truck.
Grabing kadaot sa ulo ang nahiagom sa biktima na maoy hinungdan sa iyang pagkamatay. Bisan pa sa paningkamot sa mga rescue team nga dalhon siya sa Minglanilla District Hospital, wala nay laing paagi aron maluwas ang iyang kinabuhi.
Kasamtangang gikustodiya sa Minglanilla Police Station si Pedro samtang gipaabot ang desisyon sa pamilya sa biktima. Padayon ang imbestigasyon aron matino ang tukmang hinungdan sa aksidente ug masiguro nga masiguro ang hustisya.
Source: Minglanilla MPS
I via Renante Socia Lada