Usa ka lalaki nga nagmaneho og motorsiklo ang namatay diha-diha dayon human kini nalatayan sa usa ka fire truck nga padulong motabang sa usa ka dakong sunog kagahapon sa Barangay Paknaan, Dakbayan sa Mandaue.
Ang maong insidente nahitabo pasado alas 8:00 sa kagabii, Marso 23, 2025, sa National Highway, Barangay Cambaro, siyudad sa Mandaue.
Giila sa Mandaue City Police Office ang biktima na mao si Juan Paulo Mindo, 23 anyos, residente sa Barangay Kalawisan, Lapu-Lapu City.
Matod sa imbestigasyon, pulos kusog nagpadagan ang fire truck ug motorsiklo nga nagkadasmag sa maong lugar nga miresulta sa disgrasya.
Gisuwayan pa unta pagdala ang biktima sa tambalanan apan na bugtuan gyud kini sa kinabuhi.
Sa pagkakaron, nagpadayon ang imbestigasyon sa mga awtoridad aron matino ang tibuok himungdan sa nahitabong disgrasya nga mikutlo og kinabuhi. (Renante Socia Lada)