Kapin 200 ka panimalay ug establisemento ang naigo sa dakong sunog sa Zone Sili ug Zone Talong, Barangay Paknaan, Mandaue City, Marso 23, 2025.
Ang alarma sa sunog nadawat sa Mandaue City Fire Station pasado 7:45 sa gabii, Marso 23, 2025, miabot kini sa ikaupat nga alarma ug na palong ang kalayo alas 10:00 na kapin sa kabii.
Ang maong sunog nagbilin kini og danyos nga gibana-banang ₱3 milyones. Nasayran usab nga kapin sa 200 nga balay ang apiktado sa maong sunog.
Kasamtangang gipahiluna sa Paknaan Gym ang mga biktima sa sunog samtang nagpadayon ang profiling ug paghatag og ayuda. Wala pay nadawat nga report sa mga samdan o patay nga indibidwal tungod sa maong insidente.
Sumala sa Mandaue City Fire Office, padayon pa nilang gisusi ang hinungdan sa maong sunog ug asa kini nagsugod.
Ang mga residente sa lugar nanawagan sa tabang ug hinabang samtang nag-atubang sila sa kawad-on tungod sa maong trahedya. (Renante Socia Lada)