Tungod sa kalisdanan ug kabalaka nga dala sa bag-ong mga kalamidad, ang Department of Health (DOH) – Health Emergency Management Bureau (HEMB) ug ang National Center for Mental Health (NCMH) naglusad ug Mental Health ug Psychosocial Support (MHPSS) activities sa pipila ka barangay sa Medellin, Cebu.
Ang mental health team, nga giulohan ni Mr. Kevin T. Crispino sa DOH–HEMB ug uban pang mga eksperto gikan sa NCMH, nagdumala sa mga Psychological First Aid ug Psychosocial Support sessions alang sa mga naapektuhang residente.
Gisagubang sa ilang mga aktibidad ang Barangay Maharuhay, Dalingding Sur, Gibitngil, ug Mahawak, diin ang mga tawo nakapadayag sa ilang kasakit, kasubo, ug kabalaka, ug nakakat-on unsaon pag-atubang sa emosyonal nga stress aron mapalig-on ang ilang kaisog ug kahimsog sa hunahuna.
Ang programa nagpakita sa tinuod nga katuyuan sa DOH nga dili lang pag-ayo sa lawas, apan apil usab ang pag-atiman sa mental ug emosyonal nga panginahanglan sa mga biktima sa kalamidad.
Pinaagi sa pakigtambayayong sa lokal nga health units ug mental health professionals, tuyo sa inisyatiba nga mapaligon ang suporta sa komunidad ug masiguro nga accessible ang mental health care para sa tanan.
Source: Cebu Province PIO
I via Renante Socia Lada