Daling gi respondihan sa mga sakop sa City Disaster Risk Reduction and Management Office sa Dakbayan sa Lapu-Lapu ang pagka hugno sa atop sa usa ka food park.
Pasado alas 9:00 kagabii, Pebrero 5,2023, didto sa Sitio Bagumbayan, Barangay Maribago, Siyudad sa Lapu-Lapu.
Si Nagiel B.Bañacia ang pangulo sa CDRRMO nibutyag nga dili muminos sa 9 ka mga tawo nga nitambong sa pagbukas sa maong food park ang naangol sa nahugno nga atop.
Ang atop binuhat sa puthaw ug plastik nga maoy nitabon sa mga tawo nga nangaon atong mga higayuna.
Gitataw ni Justin Caballero ang Team Leader sa SAR team sa Lapu-Lapu City Rescue nga posibling adunay depikto ang maong atop nga maoy hinungdan sa pagka hugno niini.
Sa pagkakaron gihimo pa ang dugang imbestigasyon kabahin sa maong aksidenti ug aron usab manubag ang responsabli niini. (Renante Lada, photo courtesy by Nagiel Bañacia)