Gibutyag sa National Disaster Risk Reduction and Management Council (NDRRMC) nga nagsugod na kini og paspas ug hiniusang operasyon human sa kusog nga magnitude 6.9 nga linog nga miigo sa Amihanang Sugbo alas-9:59 sa gabii, Setyembre 30, 2025.
Ang mga ahensya sa NDRRMC uban sa Regional Disaster Risk Reduction and Management Council (RDRRMC) VII ug ubang kauban nga grupo nagpadala na og mga tawo ug kagamitan aron matabangan ang mga komunidad ug mapadali ang relief operations.
Nagdeklarar na og State of Calamity ang Lalawigan sa Sugbo pinaagi sa Executive Order No. 57 aron mas mapadali ang pagpatuman sa mga lakang pang-emerhensya ug paghatod og tabang sa mga apektadong lugar. Sulod lang sa pipila ka oras, DILG Region VII nag-activate sa mga emergency protocols aron masuportahan ang mga LGU sa pagbantay sa seguridad ug kalinaw.
Kagahapon Oktubre 1, 2025, mipagawas og memorandum ang DILG Region VII aron i-activate ang Local Emergency Operations Centers (EOCs), Monitoring of the Dead and Missing (MDM) Clusters, ug ang Disaster Online Reporting and Monitoring System (DORMS). Ang tanan nga Regional ug Sub-Regional EOCs gi-full alert aron makakuha og real-time data bahin sa kuryente, tubig, naguba nga mga bilding, operasyon sa mga ospital, kahimtang sa mga dalan ug komunikasyon, evacuation sites, ug kasamtangang ihap sa mga kaswalti.
Sa sugo ni Presidente Ferdinand R. Marcos Jr. ubos sa “Bag-ong Pilipinas” nga panan-awon, gipahimug-atan sa DILG ang panginahanglan sa lig-on nga liderato ug panaghiusa sa komunidad aron maluwas ang daghang kinabuhi ug mabalik dayon ang normal nga kahimtang.
Nagpakita jsab og bayanihan ang mga kasikbit nga LGU:
Cebu City nagpadala og 3 ka ambulansya ug medical teams.
Mandaue City nagpadala og 20 ka personnel, usa ka water filtration system, ambulansya, fire truck, logistics vans ug search and rescue equipment.
Lapu-Lapu City nagpadala og paramedics, mass casualty responders ug humanitarian aid.
Bohol Province nagpadala og 16-member medical team ug ₱5 milyon nga pinansyal nga tabang.
Sa lebel nasyonal, ang Bureau of Fire Protection (BFP) Region VII nagdeploy og 232 personnel, fire engines, rescue trucks ug ambulansya. Ang Police Regional Office (PRO) VII nagpadala og 578 ka police para sa law and order operations ug 84 ka tawo para sa search ug rescue sa daghang lugar lakip na sa San Remegio, Bogo City, Daanbantayan, Asturias, Danao City, Medellin ug Camotes Island.
Gitino na usab ang seguridad sa mga ospital, evacuation centers, ug kritikal nga pasilidad aron masiguro ang kalinaw ug dili mahinay ang operasyon sa relief.
Padayon nga nagtinabangay ang NDRRMC, RDRRMC VII ug mga LGU sa pagtimbang-timbang sa panginahanglan, pagpabilin sa relief operations ug pagpangandam sa recovery ug rehabilitation.
Source: DILG
I via Renante Socia Lada