Nagpahimangno ang Department of Environment and Natural Resources – Environmental Management Bureau (EMB) Central Visayas nga misaka sa “very unhealthy” nga lebel ang kalidad sa hangin sa pipila ka bahin sa Metro Cebu hangtod alas-8:00 sa buntag kagahapon Abril 19, 2026.
Sumala sa datos gikan sa monitoring station sa Talisay City, naabot sa 199 ang Air Quality Index (AQI) sa PM2.5, nga usa ka delikado nga lebel diin bisan ang himsog nga mga tawo mahimong makasinati og iritasyon sa tutunlan, ubo, ug lisod nga pagginhawa tungod sa hazy o aso nga kahimtang sa hangin.
Gidasig ang publiko nga limitahan ang paggawas sa gawas, magsul-ob og protective mask sama sa N95, ug magpabilin sa sulod sa balay kung mahimo. Mas kinahanglan mag-amping ang mga bata, tigulang, ug mga adunay sakit sa baga o respiratory condition.
Ang ahensya nag-awhag sa tanan nga magpadayon sa pagmatngon ug mosunod sa health advisories aron malikayan ang posibleng epekto sa dili maayong kalidad sa hangin.
Source: DENR
I via Renante Socia Lada
Renante