Sa Dakbayan sa Sugbo nagkadaiyang grupo ang ni tabang sa pagpanglimpyo sa ka baybayunan.
Dili lang tungod sa maong kasaulugan nila kini gihimo, tungud usab sa ilang tinguha nga masumpo ang problema sa baha sa dugay na nga panahon.
Diin ilang gilusad ang programang Gubat sa Baha nga ang gitudlo ni Cebu City Mayor Michael Rama nga mangulo si kanhi DENR Secretary Roy Cimatu.
Sa Dakbayan sa Mandaue Si Mayor Jonas Cortes maoy nangulo sa pagpanglimpyo sa didto sa baybayon sa Pajara Park sa Brgy.Umapad.
Nitambong usab ang mga sakop sa kapulisan sa Mandaue City Police Office,mga trabahanti sa goberno,tinun-an sa kolehiyo ug trabahanti sa Barangay.
Nagpahinumdom si Cortes sa insakto nga disiplina sa matag-usa sa paglabay sa mga basura.
Nagdasig usab ang Mayor sa mga kabarangayan sa pagpanglimpyo aron masolusyonan ang nagkadaghan nga basura nga maoy usa sa hinungdan sa pagbarado sa tubig baha sa Butuanon River nga mo resulta sa pag-awas sa tubig.
Didto sa Dakbayan sa Lapu-Lapu si Mayor Junard Chan ug Congresswoman Cindy Chan nitambong usab diin gatusan usab ang nitabang sa pagpamglimpyo sa baybayon.
Ang mga lugar na ilang gilimpyuhan mao ang Hilutungan channel nga ubay-ubay usab nga mga basura ang ilang nakuha.
Ang mga ni buluntaryo nga nitabang mao ang mga trabahanti sa City Hall, National Agencies, Private Institutions, Drivers, PNP, BFP, Navy, AFP ug PCG.
Ang mga Mayor sa tulo ka Dakbayan dakog pasalamat sa mga nitabang aron mahimong malampuson ang International Coastal Clean-up Day nga ipahigayon matag ikatulo nfa semana sa buwan sa Septembre. (RSL, photo courtesy of PIO Cebu City, Mandaue and Lapu-Lapu)