Nag-inspeksyon si CPPO Director Abubakar Udang Mangelen Jr. sa Cebu South Bus Terminal kagahapon, Marso 29, 2026, aron masiguro ang kaluwasan sa mga pasahero atol sa selebrasyon sa Holy Week.
Gisusi ni PCOL Mangelen ang seguridad sa terminal, lakip ang presensya ug pag-deploy sa mga pulis sa lugar. Gi-check usab niya ang kahimtang, ka-andam ug kaayohan sa mga pulis samtang nagbantay aron masiguro nga ang mga pasahero protektado ug matabangan sa husto.
Ang pag-inspeksyon nagpamatuod sa komitment sa Cebu Police Provincial Office nga maghatag og luwas, hapsay, ug seguradong palibot para sa mga biyahero, labi na sa mga panahon nga daghan ang mobiyahe sama sa Holy Week.
Gi-awhag sa kapulisan ang publiko nga magmatngon ug musunod sa mga instruksyon sa mga pulis aron malikayan ang disgrasya ug masiguro ang malinawon nga pagbiyahe.
Ang CPPO magpadayon sa ilang presensya ug seguridad aron protektado ang tanan nga pasahero ug mapadayon ang kalinaw sa terminal sa Semana Santa.
Source: CPPO
I via Renante Socia Lada