Nagpadayon ang pagpalig-on sa koordinasyon sa mga ahensya sa gobyerno aron masiguro ang kaluwasan sa mga lumulupyo sa Sugbo panahon sa mga kalamidad. Kagahapon Hunyo 29, 2026, mitambong si Cebu Police Provincial Office (CPPO) Provincial Director PCOL Abubakar Udang Mangelen Jr. sa ikaduhang quarter meeting sa Provincial Disaster Risk Reduction and Management Office (PDRRMO) nga gihimo sa Governor’s Conference Room sa Cebu Provincial Capitol.
Ang maong tigom gipangulohan ni Governor Pamela S. Baricuatro ug gitambongan sa mga opisyal sa Kapitolyo sa Sugbo, Philippine National Police, ubang national ug local government agencies, emergency response units, ug mga partner nga organisasyon.
Gihisgutan sa maong panagtigom ang kahimtang sa mga programa batok sa kalamidad, pag-andam sa mga responder, ug pagpalig-on sa koordinasyon sa tanang ahensya aron mas dali ug epektibo ang pagresponde sa mga natural ug hinungdan sa tawo nga mga peligro.
Sumala sa CPPO, ang ilang aktibong pag-apil nagpakita sa ilang padayon nga suporta sa programa sa Provincial Government of Cebu alang sa pagpalig-on sa disaster preparedness ug pagpanalipod sa komunidad.
Nagtoo ang CPPO nga pinaagi sa panaghiusa sa tanang sektor sa gobyerno ug mga kaabag, mas mapalig-on ang kaluwasan, kasigurohan, ug kaayohan sa matag Sugboanon atubangan sa bisan unsang kalamidad.
I via Renante Socia Lada