Nagpakita og mas lig-on nga kahimtang ang Cebu Provincial Government human kini nakat-on sa mga leksyon gikan sa miaging mga kalamidad, ilabina sa epekto sa #BagyongTino sa amihanang bahin sa lalawigan.
Tungod niini, malampuson nga nakabarog ug nakalihay sa grabeng kadaot ang Cebu Provincial Hospital–Carcar (CPH-Carcar) atol sa pagbaha nga gidala sa kusog nga ulan sa Tropical Depression #VerbenaPH.
Tungod kini sa paspas ug maayo nga mga preparasyon sa management ug mga personnel sa maong ospital.
“All patients are safe and no one was harmed,” segon ni Dr. Nikki Catalan, Capitol’s public health consultant.
Dugang niya, “Hospital equipment also remains intact, as these were pre-emptively moved to the second floor ahead of the flooding.”
Sa pagkakaron, nagpadayon ang pagpanglimpyo sa mga lapok nga misulod sa isolation ward ug outpatient department, uban ang tabang sa Bureau of Fire Protection (BFP).
Gipasalig usab ni Dr. Catalan nga mobalik dayon sa normal ang mga serbisyo paghuman sa hugot nga paglimpyo ug disinfection sa ospital.
Source: Cebu Province PIO
I via Renante Socia Lada