Gihatod na sa probinsiyal nga kagamhanan kagahapong adlawa Nobyembre 25, 2025 ang unang batch sa hinabang ngadto sa mga lugar nga grabe nang naapektuhan sa Tropical Depression Verbena, lakip ang Carcar City, Dumanjug, Barili, Ronda, ug San Fernando.
Naka apod-apod ang Kapitolyo og hot meals alang sa 3,000 ka mga residente nga apektado sa pagbaha. Pinaagi sa Provincial Health Office ug Capitol Piso Health Consultant nga si Dr. Nikki Catalan, gipang-apod-apod usab ang mga kahon sa prophylactic antibiotics aron malikayan ang leptospirosis.
Sa wala pa mutungas sa Carcar City sa hapon, si Gov. Pamela Baricuatro nagmando na sa pagpasan ang relief operations aron dali mahatod ang tabang sa mga komunidad nga nanginahanglan.
Gilauman nga aduna pay dugang hinabang sa Kapitolyo sa Sugbo ang ipaabot. Nagpadayon pa usab ang clearing operation sa mga lugar nga nakasunati og grabeng pagbaha.
Source: Cebu Province PIO
I via Renante Socia Lada