29.7 C
Manila
Thursday, April 25, 2024

Cebu Congressional Candidate Gi-Imbestigar Sa Provincial Board Tungod Sa Scholarship Program

- Advertisement -

Ang congressional candidate sa 5th district sa lalawigan sa Sugbo, Vincent “Duke” Frasco, nag-atubang karon og kasong administratiba sa Sangguniang Panlalawigan gumikan sa scholarship program nga iyang gipatuman kaniadto nga siya pa ang mayor sa lungsod sa Lilo-an, Cebu.

Ang Committee on Complaints and Investigation sa Provincial Board maoy gisangonan karon sa pagsusi sa administrative complaint batok kang Frasco. Mitumaw ang maong kaso batok kang Frasco gumikan sa mga kasong grave misconduct, grave abuse of authority and conduct unbecoming of a public official nga giduso ngadto sa Provincial Board niadtong 2016 sa dayon na ang eleksyon.

Ang complainant nga si kanhi Lilo-an Vice Mayor Lucelito Pilapil mi-kwestyon sa implementasyon sa scholarship program nga gigahinan baleg 3 milyones pesos. Gitumbok sa complainant nga walay appropriation ordinance nga aprubado sa Provincial Board ang gipatuman nga scholarship program.

Nasayran nga ang scholarship fund didto gikuha sa Php6-million fund  nga gigahin alang sa solid waste management program sa munisipyo.

Gipadayag ni Frasco nga adunay bulok sa politika ang pagbanhaw sa kasong administratiba batok kaniya. Matud ni Frasco nga hayan ang iyang karibal nga si incumbent 5th District congressman Ramon “Red” Durano VI, maoy nagpaluyo sa pagbanhaw sa iyang kaso.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -