Ang Batas Pambansa Blg. 880, o Public Assembly Act of 1985, nagpanalipod sa katungod sa mga tawo nga magtapok og malinawon, mo-protesta, ug magpetisyon sa gobyerno alang sa lain-laing katuyuan.
Kasagaran, ang pagtapok sa pampublikong lugar nanginahanglan og permit gikan sa lokal nga mayor, gawas lang kung ang event gihimo sa freedom parks, pribadong lugar nga adunay pagtugot, o sa pipila ka school campuses.
Ang mga otoridad kinahanglan respetohon ang malinawon nga pagtigom ug gamiton ang maximum tolerance. Pwede ra kini pahunungon kung mahimong bayolente o delikado para sa publiko.
Ang paglapas sa balaod adunay mga silot. Ang pag-organisar og assembly nga walay permit mahimong prisohon sulod sa 1 ka bulan ug 1 ka adlaw hangtod 6 ka bulan. Ang arbitrary denial sa permit, pagpugong sa peaceful assemblies, sobra nga paggamit sa pwersa sa kapulisan, o pagdala og armas sa assembly mahimong silotan og 6 ka bulan ug 1 ka adlaw hangtod 6 ka tuig.
Ang pagdala og deadly weapons duol sa assembly pwede usab mosangpot sa 6 ka tuig nga pagkapriso, samtang gagmay nga violations mahimong 1 hangtod 30 ka adlaw.
Gipahimangnoan sa Cebu City Police Office ang publiko nga respetuhon ang balaod ug tahuron ang kapulisan nga naglihok aron masiguro ang kaluwasan sa tanan samtang girespeto ang katungod sa mga tawo.
Source: CCPO
I via Renante Socia Lada
