Suportado ug walay pagsupak ang Local Water Utilities Administration (LWUA) sa laraw ni Mayor Mike Rama nga magtukod og kaugalingong water district para sa siyudad sa Sugbo.
“It’s now being worked out and I have been discussing it with LWUA people and it (LWUA) seems to be receptive to the idea,” segon ni Mayor Mike Rama.
Mao kana ang gitataw ni Mayor Rama kagahapong adlaw Abril 17, 2024, atol sa gipahigayon nga press conference.
Nagkadaiyang mga isyu ug kalambu-an ang gihisgutan diin ang gitutukan mao ang pagtukod og usa ka water district sa dakbayan sa Sugbo.
Mahinomduman nga sa mga nakalabay nga adlaw nag unang issue sa dakbayan sa Sugbo ang MCWD kung si kinsa ang angayan na magdumala.
“Kini bisan pa man kon anaa na ang Metro Cebu Water District (MCWD), kansang Board of Directors nagmagahi sa pagpahawa bisan pa man kung gipapahawa na niya Oktubre sa niaging tuig,” matod sa Cebu City PIO.
Sa nasayran nga ang MCWD usa ka government-owned and controlled corporation, subay sa gipagawas nga hukom sa Korte Suprema niadtong 1992, hinungdan nga nalibkas ang operasyon niini isip usa ka quasi-public corporation.
Desidido si Rama nga magtukod gyud og laing water district ug sa susamang higayon laing port authority. (Renante Socia Lada)
(Source: Cebu City PIO)
