33.8 C
Manila
Friday, March 29, 2024

Cebu City Mayor mi-awhag sa judiciary alang sa subsob nga evaluation sa pagaluwatan nga mga search warrants

- Advertisement -

Nanawagan si Cebu City Mayor Tomas Osmena sa mga huwes sa dakbayan sa Sugbo nga timbang-timbangon pag-ayo ang mga applications o hangyo alang sa mga search warrants.

Kini ang gipadayag ni Osmena pina-agi sa iyang giluwatan nga advisory memorandum nga iyang gipa-publikar sa usa ka lokal nga pamantalaan pinaagi sa ka  paid advertisement.

Sa iyang advisory memorandum, gipadayag sa Mayor nga nakadawat siya og daghang mga reports bahin sa mga insidente nga naglambigit sa mga irregularities labot sa pagpahigayon ug pagpatuman sa mga search warrants.

Matud ni Osmena nga ang nadawat niya nga mga reports labot niini, na-validate pinaagi sa ubay-ubay nga mga saksi lakip usab  sa mga video footage atol sa pagpatuman sa mga search warrants nga matud pa niya, wala magsubay sa mga tukmang lagda.

Gipadayag ni Osmena ang iyang mga katahap nga posible nga adunay pagmao-mao sa mga ebidensya pinaagi sa planting of evidences sa dihang gipatuman ang mga search warrants atol sa police operations.

Natahap ang Mayor nga posible nga ang maong kalihokan gitumong aron pag-harass sa iyang mga political supporters.

Sayo niini, gi-kwestiyon ni Osmena ang pagpahigayon og checkpoints sa mga sakop sa Cebu City Police Office (CCPO) haduol gyod sa iyang pinuy-anan sa Barangay Guadalupe, Cebu City.

Samtang sa iyang bahin, gipanalipdan ni Police Regional-7 (PRO-7) Director Debold Sinas ang pagpahigayon og checkpoints sa kapolisan duol sa pinuy-anan ni Osmena niadtong nakalabay nga Semana Santa.

Matud ni Sinas nga usa ka legitimate police operation ang gipahigayon nga checkpoint sa CCPO personnel duol sa pinuy-anan sa Mayor kay kini gitugot man usab sa Commission on Elections (COMELEC).

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -