Gihatagan og award ug commendation ang Cebu City Police Office (CCPO) sa Cebu City Government, nga gipangulohan ni Mayor Nestor D. Archival, atol sa Regular Session sa Sangguniang Panlungsod niadtong Enero 13, 2026, tungod sa maayong serbisyo sa pagpanalipod sa katawhan ug pagmintinar sa kalinaw ug seguridad sa siyudad.
Base sa mandato sa Republic Act No. 7160 ug RA No. 6975 (nga gi-amend sa RA 8551), gipakita sa CCPO ang ilang dedikasyon isip usa ka community- ug service-oriented nga pulisya. Sumala sa records, mikunhod ang krimen sa siyudad og 32.86% gikan sa tuig 2024 ngadto sa 2025, lakip na ang index crimes, non-index crimes, ug mga aksidente sa dalan.
Gipakita sa datos nga ang total nga reported cases mikunhod gikan 7,846 sa 2024 ngadto sa 5,268 sa 2025, nga nagpasabot sa epektibo nga police visibility, paspas nga response, paggamit sa teknolohiya, ug maayo nga koordinasyon sa Cebu City Government ug sa komunidad.
Gipasidunggan ang liderato ni PCOL George V. Ylanan, Officer-in-Charge sa CCPO, ug ang dedikasyon sa tanang personnel sa kapulisan, uban sa mga programa sama sa Oplan Bulabog, Oplan Pakigsandurot, City Investigation and Detection Unit, ug intensified checkpoints ug mobile patrols.
Tungod niini, gi-resolbar sa Sangguniang Panlungsod sa Cebu City, pinaagi sa motion ni Hon. Paul G. Labra II ug gi-second ni Hon. Pancrasio I. Esparis, nga pasalamatan ug i-congratulate ang CCPO sa ilang nahimo nga 32.86% nga pagkunhod sa krimen.
Source: CCPO
I via Renante Socia Lada
