Usa ka wanted person ang nadakpan sa Tracker Team sa Badian Municipal Police Station niadtong Enero 23, 2026, sulod sa BJMP–Argao District Jail sa Barangay Binlod, Argao, Cebu.
Ang nadakpan nga suspek, nailhan sa alyas nga “Estaneslao,” 34 anyos ug residente sa Barangay Bato, Badian, gisilbi ang warrant of arrest tungod sa Violation of Republic Act 10591 (Firearms and Ammunition Regulation Act) nga gi-isyu sa Regional Trial Court, Branch 60, Barili, Cebu.
Girekomendar sa korte ang bail nga ₱120,000.00.
Gipasabot sa kapulisan nga giserb ang warrant samtang naa na sa detention ang suspek sa BJMP–Argao, uban sa husto nga koordinasyon sa jail authorities ug pagsunod sa standard procedures.
Si PCOL Abubakar Udang Mangele Jr, Provincial Director sa Cebu Police Provincial Office, miingon nga ang operasyon nagpamatuod sa ilang padayon nga dedikasyon sa pagpangita sa mga wanted persons ug pagpatuman sa balaod.
Ang nadakpan nagpabilin sa kustodiya sa BJMP–Argao para sa sunod nga legal nga proseso.
Source: CPPO
I via Renante Socia Lada