Gipasidunggan sa Cebu City Government, nga gipangulohan ni Mayor Nestor D. Archival, ang Cebu City Police Office (CCPO) atol sa Regular Session sa Sangguniang Panlungsod niadtong Enero 13, 2026, tungod sa ilang mga inisyatiba sa pagpalig-on sa kalinaw, seguridad, ug maayong serbisyo sa publiko.
Sa ilawom sa liderato ni PCOL George V. Ylanan, Officer-in-Charge, opisyal nga gi-inaugurate sa CCPO ang ilang Command Center niadtong Disyembre 24, 2025. Kini usa ka dakong lakang sa modernization sa police operations ug serbisyo sa publiko sa Cebu City.
Ang inauguration gidumala ni Mayor Archival ug gidumala usab ni PBGEN Redrico A. Maranan, Regional Director sa Police Regional Office 7, uban ang mga police officials, local leaders, ug stakeholders.
Ang Command Center magsilbi nga sentro sa command, control, coordination, ug communication, nga makatabang sa real-time monitoring, mas paspas nga desisyon, ug dali nga pagresponde sa mga insidente.
Gilauman nga daku ang tabang niini sa pagsiguro sa seguridad sa mga dakong kalihokan sama sa Sinulog 2026 ug umaabot nga ASEAN Summit.
Tungod sa kini nga nahimo, gi-resolbar sa Sangguniang Panlungsod sa Cebu City, pinaagi sa motion ni Councilor Paul G. Labra II ug gi-second ni Councilor Pancrasio I. Esparis, nga pasalamatan ug i-congratulate ang CCPO sa malampusong pag-establisar sa CCPO Command Center, nga gi-aprubahan usab ni Cebu City Vice-Mayor Tomas R. Osmeña.
Source: CCPO
I via Renante Socia Lada
