Cebu City – Gikansela ang leave of absence sa tanang personnel sa Cebu City Disaster Risk Management Office, aron pagsiguro nga dunay igong personnel nga maka responde kung dunay motumaw nga panghitabo atol sa Holy Week.
Gipahibaw ni CDRRMO chairman Atty Gerry Carrilo nga ubos sab sa red alert ang disaster office sa maong semana.
Tungod kay dry season, matod ni Carillo nga ilang gi expect ang posibilidad nga dunay mga insidente sa sunog ug mga sakit sa mga residente gumikam sa ka init.
“Red alert atong mga tawo (during the Holy Week). In the past, atong na-experience nga semana santa, moinit man na. Maayo gani karon, uwan-uwan,” mensahi ni Carillo.
Gipadayag sab ni Carillo nga dunay daghang mga campaign sorties nga gi schedule bisan Holy Week nga nagkinahanglang respondehan.
“There will be a number of rallies that we will be busy with. We are expected to respond to any situation,” sigon pa ni Carillo.
Tungod kay red alert, walay vacation leaves nga gitugtan sa mga city disaster personnel.
“Basically, no leaves. Full alert, everybody should be on duty,” pahibaw Carillo.
Samtang ang kagamhanan sa syudad sayong mipahigayon ug ocular inspection sa port area alang sa Holy Week.
“Nag-ocular ta sa atong pier sa pagpangandam sa umaabot nga Holy Week, kuyog nato ang CPA Pier 3 Manager Bernard Macuto,” butyag ni City Councilor Joel Garganera.
Nagkanayon si Garganera nga ilang gi expect ang pagdagsa sa mga pasahero bisan sa dili pa ang Holy Week, labi na nga pabiling ubos sa Alert Level 1 ang Sugbo.
Labi na sab nga gitugtan na nga ma full capacity ang mga barko.
“Kusog na ang sakay kay Alert Level 1 naman ta, unya 100% capacity na atong mga vessels,” suma pa ni Garganera.
Ang Pier 1 mo cater sa mga pasahero sa Cokaliong Shippine Lines, samtang ang Pier 3, alang sa Lite Shipping, Ocean Jet ug mga pasahero sa ubang barko.
“Dili pa maka-fully function ang Pier 1 tungod kay moabot pa 3-6 months ang rehabilitation tungod sa bagyong Odette,” dugang sa konsehal.
Gipahibaw nga dunay composite teams gikan sa PNP, PDEA ug maritime group pag augment sa Port Police sa umaabot nga Semana Santa.
“Bisan pa sa pagluag sa atong Alert Level, walay kumpyansa ang atong CPA sa pag-implementar sa basic health protocols,” dugang mensahi ni Garganera. (Jhon Tadlip)
(Source: Cebu City Disaster Risk Reduction Management Office, photos courtesy by Joel Garganera)