Cebu City Comelec Mipahimangno Sa Mga Kandidato Nga Dili Magdala Ug Mga Supporters Atol Sa Filing Sa COCs

0
144

Cebu City – Nangandam na ang Commission on Election (COMELEC) sa Syudad sa Sugbo sa election season, ug sayo pa lang, mipahinumdum na sila sa mga kandidato nga mag expect ug mga kausaban sa traditional filing sa Certificate of Candidacies (COCs).

Matod  ni Omar Sharif Mamalinta sa Cebu City Comelec nga nagpaabot sila sa instructions gikan sa national Comelec sa dugang regulations sa filing nga magsigurong masunod ang health protocols.

Bisan kon wa pay palisiya nga nalatid sa pagka karon, ang Comelec Cebu City nag expect nga ang social distancing ug minimum capacity labing importante nga rules atol sa filing sa candidacy gikan sa October 1 ngadto sa 8, 2021.

Subay niini, suma pa ni Mamalinta nga duna tsansa nga kadtong mga politicians nga  mo file sa ilang candidacy personally, kuyugan lang sa usa o duha ka mga staff.

“Siguro usa or duha lang ang kauban, para dili ta maghuot sa election office because we need to maintain the health protocols, gilantaw ni Mamalinta.

Nagplano ang Comelec Cebu City nga mo butang  ug photo booth gawas sa Comelec Office sa North ug South Districts aron ang traditional pictorial sa mga kandidato dili na adto sa sulod, ipahigayon na kini sa mas safe nga open space area.

Pinaagi niini mamahimong maka kita ang mga spectators, sakop sa media ug mga supporters sa mga kandidato nga dili maghuot s district office.

Dugang niini, nakig coordinate na ang Comelec sa Cebu City Police Office (CCPO) alang sa security plans.

Labaw sa tanan, sigon pa ni Mamalinta nga ilang gi awhag ang tanang aspiring candidates, nga posibling nangandam na sa filing nga wagtangon sa ilang plano ug pagdala ug mga supporters sa buhatan sa Comelec atol sa ilang pag file.

“Di man gyud na namo mapugngan pero  mohangyo lang gyud mi, wala lang sa tay supporters nga dalhon this year,” sigon pa sa Comelec Officer.

Gipanglantawan nga modagsa ang mga supporters atols a filing season tungod kay ang kandidato sagad nga mo file sa ilang candidacies uban sa ilang mga supporters.

Pero sa panahon karon sa pandemic, nagtoo ang Comelec Cebu City nga magbutang kini sa dakong risgo kung ila kining buhaton.

Naglaum si Mamalinta nga ang mga kandidato maoy mohimo ug ehemplo pinaagi sa pagsunod sa health protocols ug maglikay sa pag mugna ug tapok atol sa pag file sa COCs.

(Source: Cebu City Comelec, phoros courtesy by Bryan Vincent Agbisit | Ariane Mitz Nazario)

LEAVE A REPLY

Please enter your comment!
Please enter your name here