Dungan sa paglambo sa teknolohiya gamiton kini aron mahimong mas produktibo ug paspas ang paghatag og serbisyo sa katawhan.
Kana maoy gitataw ni Acting Mayor Raymond Alvin Garcia atol sa gipahigayon nga “DigiCities Gcash Pera Talks Financial Literacy Workshop” niadtong, Agosto 12, 2024, didto sa Cebu City Hall.
Matod ni Garcia, kinahanglan mapayano ang mga proseso ilabi na sa gobiyerno, hain iyang nabantayan nga sagad dili tuhay ang pagpadagan, nga mahimong matul-id pinaagi sa teknolohiya.
“We have to streamline our activities here in City Hall and that we must be able to maximize the use of technology. Because I don’t know, for some reason, here in the Philippines, government is the most inefficient entity, di ba? Ngano ni…? We have to be more productive, and we have to be more efficient and effective,” ingon sa acting mayor.
“It’s a good thing nga these technologies, and not only technologies but things associated with all of these technologies, are now on a different platform. Unya ang nag una-una gyud ani, Gcash. Mao na nga naay Gcash Pera Talks,” dugang ni Acting Mayor Garcia.
Gipasalamatan niya ang Gcash tungod sa pagpahigayon niini sa workshop alang sa mga kawani sa Cebu City Hall.
Lakip sa iyang gipasalamatan ang USAID ug StartUp Village, nga nakig-alayon sa GCash alang sa usa ka “DigiCities Masterclass” nga seminar pagkabuntag, nga gitambongan sa pipila ka mga kawani sa City Hall ug mga magpapatigayon sa siyudad. (Renante Socia Lada)
(Source: Cebu City PIO)