Nahulog sa mga kamot sa Cebu City Police Office ang driver sa sakyanan nga maoy gigamit nga get away vehicle sa mga tulisan sa duha ka Jewelry pawnshop nga gitulis didto sa dakbayan sa Sugbo.
Sa walay hunong nga pagpangita sa kapulisan ilang na toltulan ang nahimutanan sa maong sakyanan ug lakip nga nasikop ang nagmaniho niini nga mao Marcial Ponesto, hingkod ang panuigon.
Didto kini na aktuhan sa Barangay Paknaan, dakbayan sa Mandaue, Agosto 13, 2024.
Ang kapulisan ni susi sa usa ka Silver/Gray Mitsubishi Adventure nga adunay plaka nga DAB 5200, diin na recover ang mga kagamitan nga gituhuang maoy gigamit sa pagpanulis sa F. Calderon Street, Barangay Ermita, dakbayan sa Sugbo, niadtong Agosto 8, 2024.
Si Police Colonel Antonieto Cañete, CCPO, OIC Director naglaum nga ilang madakpan ang mga kaubanan niini sa pagpanulis.
Sa pagkakaron padayong gipangita ang mga tulisan lakip ang mga alahas nga P14 milyones nga nadala sa mga tulisan. (Renante Lada and Ting Joe Pepito)