Giadto mismo ni Acting Mayor Raymond Alvin Garcia ang University of Cebu (UC)-Banilad Campus human nga gialarma nga adunay bomba kagahapong sa buntag Agosto 13, 2024.
Sa nasayran nga adunay nag post sa social media nga adunay bomba sulod sa maong tunghaan nga daling gi respondihan sa kapulisan.
Si Acting Mayor Garcia sa mga kadagkoan sa UC ug sa hepe sa Mabolo Police Station nga si Police Major Romeo Caacoy.
Dala ang mga sniffing dogs gisuhid sa kapulisan ang tibuok building sa UC, nga nakiglambigit sab sa
Ang Regional Anti-Cyber Crime Unit nihimo sa pakisusi aron mailhan ang responsabli sa maong pagpanghulga sa pagpamomba.
Sa iyang pakighinabi sa mga sakop sa media sa Sugbo, gipasalamatan ni Acting Mayor Garcia ang kapulisan sa dinaliang pagtubag sa maong alarma, human nila kini madawat maga alas 6 sa buntag.
Ingon niya, nihimo dayon og pakisusi ang kapulisan sa tanang suok sa eskuylahan pagsuta kung naa ba gyuy bomba ug ilang nasuta nga wala.
“Apparently they did not find anything. So, lipay ta nga karon…there was no bomb. Nalipay ta nga wa may makit-an, off course,” sulti ni Acting Mayor Garcia.
Gimandoan hinoon niya ang kapulisan nga dili mobiya og mag-standby lang ona sa may eskuylahan hangtod pagkahapon, igo nga mahapsay na ang dagan sa maong unibersidad.
Nidugang si Acting Mayor Garcia nga gikan sa UC-Banilad, susihon sab sa kapulisan ang uban pang mga campus sa UC aron pagsiguro lang nga wala gyuy hulga sa bomba sa maong eskuylahan.
“Base on initial information nga among nakit-an bag-o pa kaayo ni nga account nga gihimo. Well, it was just made for this purpose we believe. So, give us more time, tan-awon na nato if ato gyud na makit-an,” sulti niya.
Dali niyang gisalikway ang kahigayonan nga diversionary tactic og paglipat lang ang hulga sa bomba aron matabonan ang kabahin sa tulis sa duha ka alahasan sa dalan Calderon sa Brgy. Ermita, Cebu City niadtong Agusto 8.
“Dili sad ko motuo niana. Well, they are doing a good job trying to find the perpetrators of the robbery. And then they have also done a good job here now. So, I don’t think it is diversionary. Wa gyud niy connection, whatsoever,” pulong ni Acting Mayor Garcia. (Renante Socia Lada)
(Source: Cebu City PIO)