Cebu City – Dunay igong poultry supply sa rehiyon, bisan pa man sa mga report nga dunay mga iladong fast-food chains nga nag-atubang ug shortage sa National Capital Region (NCR).
Kini maoy subling gipaklaro sa Department of Agriculture (DA) isip tubag sa isyu sa nagkuwang nga supply sa manok.
Gibutyag ni Zeam Voltaire Amper, regional livestock program coordinator, nga ang Central Visayas dunay 121.4 percent sufficiency level sa poultry supply as of karong buwana.
Base sa DA supply outlook as of July, ang rehiyon dunay 76,096 metric tons sa mga manok, ug mokabat lang ug 62,684 metric tons ang consumed alang sa demand.
Kini nagpasabot nga dunay 13,408 metric tons nga sobrang stock.
Una niini, migawas ang report nga dunay mga ilado nga fast-food chains nga naila sa pagbaligya ug chicken products, nanirado sa pipila nila ka mga branches sa Manila ug ubang lugar sa NCR gumikan sa kakuwang sa supply.
Alang ni Amper nga posibling gumikan kini sa padayon nga epidemic sa Avian Influenza (AI) virus sa mga poultry farms sa NCR.
Gitataw ni Amper nga ang Central Visayas pabilin nga AI-free, ug gihimug-atan nga ang rehiyon dunay kaugalingong chicken production.
Apan, matod pa nga ang challenge gumikan sa delay sa replacement sa chicker broilers.
Suma pa niini nga ang kalangan gumikan sa istriktong measures nga gipatuman sa Central Visayas aron magpabilin nga Avian-free.
Mi resulta kini, matod pa sa slight decrease bahin sa efficiency sa ilang poultry production, tungod kay sagad sa mga replacement stocks naga gikan sa Luzon ug Mindanao, nga apektado sa AI virus.
“It is a challenge because, unlike before, if we need broiler stocks, we just call some suppliers in Luzon. Now it’s not that easy with the restrictions, so there’s a delay in replacement. But as of now, we have adequate supply,” pasabot ni Amper. (Jhon Tadlip)
(Source: Department of Agriculture 7 | Junrey Gonzalgo)
