Dako ang kalipay sa usa ka lola nga nagpanuigon og 100 ka tuig human siya nahatagan og P100 mil sa probinsya sa Sugbo atol sa ilang Caravan.
Si lola Eugenia Detuya nga taga lungsod sa Malabuyoc , niabot na sa panuigon sa usa ka gatos ka tuig niadtong niaging buwan, adunay 9 kabuok nga mga anak ug daghang mga apo.
Atol sa Caravan of Services sa lungsod sa Ronda, kagahapon, Agosto 4, 2023 si lola Eugenia nikanta sa usa ka kanta nga “Let Me Call You Sweetheart” diin nisikat ang maong kanta niadtong tuig 1910.
Mismo si Cebu Governor Gwendolyn Garcia ang nitunol sa maong tseke na puno sa kalipay ug pagdayeg.
Nakadawat usab ang maong Centernarian og wheelchair, certificate of recognition, vitamins, ug seedlings gikan sa kapitolyo; 5 kilos sa bugas nga gikan sa DILG; lakip ang family food packs gikan sa DSWD 7. (Renante Lada, photo courtesy of Sugbo News)