Si Acting Cebu Provincial Director PCOL Jovito M. Atanacio gihisgutan ang seguridad sa umaabot nga National ug Local Elections 2025. Kini human sa Peace Covenant Signing: Makabagong Halalan para sa Makabagong Pilipinas 2025, usa ka inisyatiba aron masiguro ang hapsay ug malinawon nga piniliay.
Matod ni PCOL Atanacio, andam ang Cebu Provincial Police Office (PPO) sa pagpakatap og pwersa ug sa pagpahigayon og preventive measures aron malikayan ang kagubot sa panahon sa eleksyon.
Usa sa iyang gipasiugda mao ang hugot nga mando ni PBGEN Redrico Maranan, Regional Director, nga hatagan og usa ka bulan nga deadline ang Danao City Police Station sa pagpahunong sa tanang ilegal nga pagbuhat og armas de fuego.
Dugang pa, gibutyag ni PCOL Atanacio ang ilang padayon nga operasyon sa pagbungkag sa mga gun-for-hire groups, nga kasagarang gigamit sa mga pulitiko sa eleksyon.
Kini usa ka hinungdanong lakang sa ilang kampanya batok sa election-related violence ug sa ilang paningkamot nga masiguro ang malinawon, segurado, ug matinud-anong piniliay sa 2025.
Padayon ang Cebu PPO sa ilang misyon sa pagpanalipod ug pagserbisyo sa katawhan, aron mapadayon ang demokrasya pinaagi sa limpyo ug kasaligan nga eleksyon.
Source: CPPO
Via: Renante Socia Lada