Ang Isla sa Sugbo usa sa pinakapopular nga destinasyon sa mga Hapon ug langyaw nga turista sa 2024, ug nakakuha og ikatulong puwesto, sunod sa South Korea ug Taiwan.
Kini nga pag-ila gipangdawat sa Department of Tourism (DOT) alang sa Cebu ubos sa “Area Category” sa 𝗡𝗘𝗪𝗧 𝗔𝘄𝗮𝗿𝗱𝘀 𝟮𝟬𝟮𝟰, nga nagpalig-on sa reputasyon sa isla isip usa sa labing paborito nga destinasyon sa turismo karong panahona.
Ang NEWT Awards, nga gipasiugdahan sa global travel booking app nga NEWT, nagpasidungog sa mga pinakagipangita nga destinasyon, hotel, ug biyahe sa tibuok kalibutan base sa mga booking sa mga biyahero. Ang ranggo gipasukad sa kinatibuk-ang kantidad sa tour bookings gikan Disyembre 1, 2023, hangtod Nobyembre 30, 2024.
Ang maong pasidungog nagpakita sa padayong pag-uswag sa Sugbo isip usa ka top island destination, dili lang sa Asya kundi sa tibuok kalibutan.
Samtang niadtong bag-ong tuig, ang nag-una nga Japanese travel company nga HIS mipili sa Cebu isip ika-pito nga pinakasikat nga international destination ug ika-lima sa “Rapid Growth” category, nga adunay 136.8% nga pagtaas sa bookings kumpara sa miaging tuig.
Nagpabilin nga dako nga merkado sa turismo ang Japan para sa Pilipinas, nga naa sa ikatulong puwesto sunod sa South Korea ug Estados Unidos. Sa 2024, nisaka og 22.84% ang gidaghanon sa mga Japanese visitors, nga nakatala og 444,528 ka bisita.
Source: Cebu Provincial Capitol, PIO
I via Renante Socia Lada
#rpndykccebu
#675hzamband
#mrpublicservice