Usa ka kusog ug walay pagpanuko nga pahimangno ang gipagawas batok sa tanang kriminal nga naglihok sa probinsya sa Sugbo. Kana maoy pasidaan ni Cebu Gob. Pamela Baricuatro batok sa mga dautang elemento, diin ang ilegal nga kalihokan nga nagpadayon sa pagguba sa kaugmaon sa mga Sugbuanon.
Gipasidan-an sa maong opisyal ang mga nalambigit sa ilegal drogas, korapsyon, child pornography, human trafficking, illegal gambling, illegal quarrying ug sand mining nga hunongon na nila ang ilang mga binuang samtang wala pa madakpi. Giingon niya nga andam ug alerto ang kapulisan sa tanang oras, ug may kasangkapang teknolohiya ang command center aron masubay ang lihok sa mga kriminal.
Dugang pa niya nga ang Sugbo dili lugar para sa mga kriminal, kondili para sa mga matinud-anon, tarong, ug kugihan nga mga lungsuranon. Giingon pa sa opisyal nga wala na’y lugar sa Sugbo para sa bisan unsang matang sa krimen ug korapsyon.
Matod ni Gob. Baricuatro nga pabiyaan na ang Sugbo sa mga adunay dautan nga katuyuan kay kanumay andam ang kapulisan sa pagdakop ug pagtaral ngadto sa hukmanan.
I via Renante Socia Lada