Makatabang sa kalinaw ug kaluwasan sa Central Visayas ang padayong operasyon sa Police Regional Office 7 (PRO7) batok sa ilegal nga mga aktibidad. Base sa ilang Weekly Accomplishment Report gikan sa Hunyo 29 hangtod Hulyo 5, 2025, dako ang ilang nahimo batok sa ilegal nga drogas, ilegal nga armas, ilegal nga sugal, ug pagpangdakop sa mga wanted nga kriminal.
Sa kampanya batok ilegal nga drogas, 158 ka operasyon ang gihimo nga misangpot sa pagkadakop sa 183 ka suspek. Ang kapolisan nakasakmit og 824.29 gramos nga gituohang shabu nga gibana-bana nga kantidad og ₱5,605,172.00. Kini usa ka dako nga kab-ot alang sa rehiyon batok sa pagpakaylap sa ginadiling drogas.
Dili usab malimod ang kalampusan sa kampanya batok sa loose firearms o ginadili nga armas. Sa 57 ka operasyon, 27 ka tawo ang nadakpan ug 58 ka armas ang nasakmit o gisurender. Lakip pa niini ang 5 ka eksplosibo ug 110 ka bala nga nasakmit sa kapolisan.
Sa pagpangdakop sa mga wanted person, 78 ka operasyon ang gihimo nga nagresulta sa pagkadakop sa 15 ka most wanted person ug 62 ka uban pang wanted sa balaod. Kini nagpakita sa dedikasyon sa kapolisan sa pagsiguro nga ang mga kriminal dili makalingkawas sa hustisya.
Sa ilegal nga sugal, 40 ka operasyon ang gihimo ug 47 ka suspek ang nadakpan. Nakakumpiskar usab ang kapolisan og kantidad nga ₱8,253.00 gikan sa ilegal nga aktibidad. Gipasidunggan sa PRO7 ang ilang mga tinud-anay nga paningkamot para sa hapsay ug malinawon nga rehiyon.
Source: PRO7
I via Renante Socia Lada
#rpndykccebu
#675hzamband
#tandemexpress