Gitudlo ni President Ferdinand R. Marcos Jr. si Governor Pamela S. Baricuatro isip Chairperson sa Regional Development Council (RDC) – Region VII ubos sa Department of Economy, Planning, and Development.
Ang maong appointment adunay tulo ka tuig nga termino, nga magkadungan sa iyang paglingkod isip lokal nga elective official. Ang pirmahang dokumento sa pagtudlo gipadala gikan sa Office of the President pinaagi ni Executive Secretary Lucas P. Bersamin, nga nagpasabot sa pagsalig sa nasudnong gobyerno sa liderato ni Gov. Baricuatro sa pagpanguna sa mga programa sa kalambuan sa Central Visayas.
Sa iyang pahayag, giingon ni Gov. Baricuatro nga “welcome surprise” alang kaniya ang pagtudlo ug nagpasalamat siya sa administrasyon ni Marcos sa pagsalig bisan pa nga miatras siya sa unang nominado pa lamang siya.
Pinaagi sa iyang pagkapangulo sa RDC–Region VII, gilauman nga magpadayon si Gov. Baricuatro sa pagpalig-on sa koordinasyon tali sa mga lokal nga gobyerno, national agencies, ug pribadong sektor aron mas mapalapad ang mga oportunidad sa ekonomiya ug serbisyo publiko sa tibuok Central Visayas.
Source: Cebu Province PIO
I via Renante Socia Lada