Nunot sa nagsingabot nga Kalag-Kalag 2024 ang Cebu City Police Office (CCPO) pinanguluhan sa ilang City Director Antonietto Cañete nangandam na.
Kining tinuig nga kalihukan gilauman nga dagsaon og libuan ka mga Sugbuanaon nga mobesita sa mga sam-ang sa dakbayan sa Sugbo.
Sa tigom nga nahitabo kagahapong adlawa Oktobre 16, 2024 didto sa Mayor’s Conference Room nga gipangulohan ni City Administrator Atty. Kristine Joyce Batucan, kinsa nihatag og gibug-aton sa kamahinungdanon sa komprehensibong pagplano alang sa umaabot nga Kalagkalag 2024.
Giseguro sa kapulisan nga mamahimong luwas ug hapsay ang umaabot nga kalihukan.
Samtang si Cebu City Mayor Raymond Alvin Garcia mo susi usab sa mga sam-ang sa siyudad sa Sugbo aron pagseguro sa Kalag-Kalag 2024 nga luwas ug han-ay sa matag mobesita sa ilang mga mahal sa kinabuhi nga nitaliwan na sa laing kalibutan.
Photo: CCPO
I via Renante Socia Lada