Gideklarar sa Cebu City Disaster Risk Reduction and Management Council (CCDRRMC) ang Blue Alert status sa dakbayan sugod alas 2:30 sa hapon karong Nobyembre 1, 2025, tungod sa hulga nga dala sa Bagyong Tino. Ang maong bagyo gibanabana nga molanding duol sa Tabogon, Cebu karong Nobyembre 4, Martes, uban sa kusog nga hangin nga moabot og 146 kph.
Tungod niini, gipahimangnoan sa CCDRRMC ang tanan nga Response Clusters, Division Heads, Section Heads, Volunteer Response Units, ug Barangay-Based Disaster Response Teams nga mag-andam ug magpatuman og mga lakang aron malikayan ang kadaot nga dala sa bagyo.
Apil sa mga direktiba sa konseho ang pagpatuman og recoreda ug readiness checks sa mga barangay sa bukid ug mainland, pag-reposition sa mga emergency vehicles ug equipment, ug pagsumite sa aktuwal nga sitwasyon gamit ang porma nga gihatag sa CCDRRMC.
Ang CCDRRMC nagpahinumdom usab sa katawhan nga mag-amping ug mag-andam sa daan, labi na sa mga dapit nga sagad mabaha o mahulog ang yuta. Gikinahanglan usab nga magpabilin nga alerto ug maminaw sa opisyal nga pahibalo gikan sa lokal nga panggamhanan.
Alang sa emerhensiya, makontak ang Cebu City Command Center sa 911 (Smart, TNT, Sun) o sa 0932 537 7770 / 0917 839 9896.
Source: CCDRRMC
I via Renante Socia Lada