Walo (8) ka barangay sa lalawigan sa Cebu ang opisyal na nga gideklar nga drug-cleared human makapasar sa evaluation ug validation sa Regional Oversight Committee on Barangay Drug Clearing (ROCBDC) niadtong Oktubre 30, 2025, nga gipahigayon sa Goldberry Hotel and Suites sa Lapu-Lapu City.
Lakip sa mga bag-ong drug-cleared barangay ang usa (1) gikan sa Mandaue City ug upat (4) gikan sa Lapu-Lapu City. Gawas niini, adunay 174 ka barangay nga una nang gideklar nga drug-cleared ug 23 ka drug-free barangay nga nakapadayon sa ilang status pagkahuman sa opisyal nga rebalidasyon.
Ang deliberasyon gipangulohan ni PDEA 7 Regional Director ug ROCBDC Chairperson Dir. III Joel B. Plaza, uban sa pag-host sa Lapu-Lapu City Government.
Mitambong usab sa kalihokan sila Mr. Celerino S. Magto Jr. sa DILG 7 nga maoy ROCBDC Vice Chairperson, Dr. Nelner D. Omus sa DOH 7, ug PMAJ Rey N. Delos Santos gikan sa Police Regional Office 7.
Sa kasamtangan, 1,611 sa 2,312 ka barangay sa Central Visayas ang adunay drug-cleared status samtang 36 ka barangay ang gikonsidera nga drug-free. Ang mga barangay nga drug-cleared ug drug-free gipailalom sa taunang validation aron masiguro ang padayon nga pagpatuman sa mga programa batok sa iligal nga drogas.
Source: PDEA-7
I via Renante Socia Lada