Gipangulohan ni PCOL. George V. Ylanan, City Director, sa Cebu City Police Office ang pagsaulog sa Araw ng Kagitingan pinaagi sa wreath-laying ceremony karong Abril 9, 2026 sa Cebu Veterans Memorial, Plaza Independencia. Ang aktibidad inubanan sa Cebu City Cultural and Historical Affairs Office.
Mitambong usab sa seremonya si Vice Mayor Tomas Osmeña, mga beterano sa World War II, ug mga representante gikan sa Philippine Coast Guard, Bureau of Jail Management and Penology, Bureau of Fire Protection, ug sa Knights of Columbus.
Ang seremonya naghatag og dakong pasidungog sa kaisog, sakripisyo, ug heroismo sa mga Pilipino nga beterano. Gipakita niini ang padayon nga dedikasyon sa CCPO sa pagpreserbar sa ilang nahimo pinaagi sa serbisyo ug sa pagpaningkamot sa kalinaw ug kahapsay sa Cebu City.
Ang pag-apil sa CCPO sa maong selebrasyon nagpamatuod sa ilang pagpadayon sa pagserbisyo ug proteksyon sa katawhan sa siyudad, samtang girespeto ug gipasidunggan ang kabayanihan sa mga beterano.
Source: CCPO
I via Renante Socia Lada